One thought on “කතාකරන මහවැව 1 – සුමනා විජේරත්න”

1. […] Feb 10, 2021 නිර්මිත ජෛව විවිධත්වය. ( Human made biodiversity), සුමනා විජේරත්න මගේ හැඩරුව සහ නිර්මිත ජෛව විවිධත්වය. ( Human made biodiversity) දන්නවද අපේ රටේ ජෛව විවිධත්වය ගැන. ඒකෙ කොටස් දෙකක් තියෙනවා, එකක් ස්වාභාවික ජෛව විවිධත්වය, අනෙක මිනිසුන් විසින් නිර්මාණය කරපු ජෛව විවිධත්වය. වැව් කියලා කියන්නේ මානවයා නිර්මාණය කරපු පරිසර පද්ධතිය ක්. ඒකෙ අපි අමුතුම පරිසර පද්ධතියක් නිර්මාණය කරල තියනවා ඉහේ ඉදල පහලට එනකල්ම. අපි එකෙන් එක විස්තර කරලා බලමු. වැව් ඉස්මත්ත මගේ ඉහත්ත පැත්තට කියන්නේ වැව් ඉස්මත්ත කියලා. ඒ පැත්තෙන් තමයි අර හිදව වැව කියන නංගිට උහුලගෙන ඉන්න බැරි වතුර ඔක්කොම මට හරවලා එවන්නේ. ඒ පැත්තෙ ඉස්සර තිබුනා පොඩි කැලෑ රැප්පාවක්. ඒකෙ නොයෙක් ජාති ගස් තිබුණා. මා දං, කෝං, කරඳ, බලු දං, කුඹුක්, මී, කදුරු, බක්ම්, කහට, බුලු, වගේ ලොකු ගස් වගේම එරමිණියා, හිඹුටු, වේ, දෙඹට, ඉඳි, කැප්පිටියා, කොබ්බෑ, කොරකහ, කෑලියා, වේ වැල් වගේ පොඩි පඳුරු ගසුත් තිබුණා. ඒ වගේම ඒ හරියෙ තෙතමනය රඳන කෑලි වල වල් බෙලි ගාල් තිබුණා. ඔය ඉහත්තට උඩින් තිබුණ කුඹුරු කෑලි වලට යනකල් වතුර අල්ලනවා. වැවේ වතුර බැහැලා ගියාම තමයි එඉවා වපුරන්නේ. ඔය කුඹුරු අයිනේ කජු ගස් තිබුණා හරියට. ළමයි කජු අහුලන්ඩ ආපුවම වතුරෙ ජබි ගහලා නටනවා. වැව් ඉස්මත්තේ හඳ පායන එක විතර ලස්සන වෙන තැනක් ලෝකේ කොහේවත් නෑ. වැවි පිටිය: ඊළගට තියෙන්නේ වැව් පිටිය. ඒ කීවෙ වැවේ උඩහ කෑල්ලටම වතුර ඇල්ලුවට ඉක්මනින්ම වතුර අඩු වෙනවා පෙබරවාරි මාසේ වෙනකොට.ඒ කෑල්ලේ වැව් පිටිය වෙනවා. ඒ හරියේ කට්ටි වලවල් තියෙනවා. වැව් පිටියේ පුරාවට තියෙන්නෙ ඕලු, මානෙල්, කුමුදුනී සහ කෙකටිය මල්. ඉස්කෝලේ ඇරිලා එන කොල්ලො කෙල්ලො වැව් දිග එන්නේ පයිතගරස් ගෙ ප්‍රමේයට ඇවිත් දුර අඩු කර ගන්න. හැබැයි උන් කරන්නේ මානෙල් ගෙඩි කඩාගෙන බඩ පිරෙන කල් කනවා. ඒ කාලේ නෙළුම් මල් තිබුනේ නෑ. ඒ උනාට ඕලු මානෙල් ගෙඩි ඇතිතරම් තියෙනවා. කෙකටිය අල ගලවන්න ගමේ ගෑනු ළමයි එනවා. අතේ නියපොතු කැඩෙන කල් ඇඟිලි වලින් තමයි කෙකටිය අල හාරන්නේ. වතුර තියෙද්දී නෙ ඒ අල ගලවන්න පුළුවන්. ඒ හරියෙ ඉන්නවා කිත්ති පැටව්. වතුර අඩු වෙන්න අඩු වෙන්න වැවිපිටියෙ තණකොළ ලියලනවා. එතකොට තමයි වෑන් පිටියට හරක් දාන්නේ. ඊළග කොටස තමයි වැවේ හොඳම කෑල්ල. වතුර පිරෙන කොටස්. ජලජ ශාක සේරම තියෙනවා, ඒ වගේම මාළු ජාති කොච්චර හිටියද ඉස්සර. මතක් වෙනකොට ක් හරිම දුකයි. ඔන්න ලූල්ලු, ආඳා, හිරිකනයා, කොස්සා, ගුරාමියා, කාවයියා, පෙතියා, කොරලි, තිත්ති පැටව්, ගෙම්බො, ඉබ්බො, දිය නයි, කූනිස්සො, නැති එකෙක් නෑ. කුමුදු මල් ඉපල වැඩිපුර තියෙන්නෙ මේ කෑල්ලෙ. ඕලු දඬු හරිම දිගයි. නාන මංකඩ සහ පීනන කෑලි තියෙන්නේ මේ හරියෙ තමයි. ඊළගට වෑ කන්ද. වෑ කන්ද කියන්නෙ මිනිස්සු හදපු කන්දක්. බ්‍රෝහියර් ගෙ පොතේ තියනවා,ඕලන්ද ජාතිකයෙක් පදවිය වගේ වැව් කණ්ඩි ගැන ලියලා තිබුණාලු, මේ රටේ පුදුමාකාර පස්වලින් හදපු ප්‍රාකාර (walls) වගයක් තියෙනවා ඒවා මොනවද දන්නේ නෑ කියලා. මිනිහා බය වෙලා. තේරෙනවා නේද අපේ පරම්පරාවේ බලගතු කම. ඉතින් ඒ පම්පෝරි පස්සේ. කණ්ඩිය ගැන කියමු. කණ්ඩිය උඩත් විවිධ ගස් තියෙනවා. වැඩිපුර කොහොම, කුඹුක් වගේ ගස් තියනනා. වරා බෝවිටියා වගේ භපඳුරු, බෙහෙත් එඬරු, ඇත්තෝර, පිල ආදී විවිධාකාර පැලෑටි වර්ග පැළවැවෙනවා. නාන මංකඩ ගාව කුඹුක් ගහට ගිය අඟුන වැලක් තිබුණා. ඒකෙ කොල පුදුමාකාර රසයි. මට තියෙන්නේ එක හොරොව්වක් විතරයි. හොරොව්ව තියෙන්නේ වැවේ පහත්ම තැන. එතනින් තමයි වැවේ වතුර කුඹුරු වලට බෙදා හරින්නේ. ඊළඟ ඒක වාන. වානෙන් තමයි මම ගබඩා කරලා ඉවර උනාම වැඩි වතුර ඉවතට ගලාගෙන යන්නේ. හොරොව්වෙන් පටන් අරං ඇළ මාර්ග පද්ධතියක් යනවා කුඹුරු වලට වතුර බෙදා හරින්න. ඒ වගේමයි වානෙන් ගලන වැඩි වතුර ත් ගලාගෙන ඇවිත් ඒකටම එකතු වෙනවා. ඒ ඇළ මාර්ගය පහලට ගලාගෙන යනවා තවත් ජීව පරිසරයක් හදා ගෙන. ඇළවේලි ගැන පස්සෙ කතා කරමු නේද? මගේ පහළම කොටස තමයි වැව් පාවුල කියන්නේ. ඒ කීවෙ වෑ කන්දට පහලින් තියෙන කෑල්ල. ඒ කොටසේ තියෙන්නේ අමුතු පරිසරයක්. තෙතතමනයට හරියන සුන්දර පරිසරයක් එතන තියෙනවා. උසට හැදුනු කුඹුක් කරඳ වගේ රුක් ගොමුවකින් වැහුණු ඒ බිමේ සීතලට හැදෙන පදුරු ජාති ගොඩක් තියනවා. විශේෂයෙන් හබරල ගාල්, පින්න ගාල් වාගේ ඒවාට අමතරව පන් වර්ග විශේෂයෙන් ම වැවෙනවා. මේ හැම එකක් ම ගම්මුන්ගේ ජීවිතේ ට විවිධාකාරයෙන් උදව් උපකාර කරනවා. ඊළඟට වැවේ කාර්ය භාරය. පළමු කොටසට මෙතනින් පිවිසෙන්න  https://huunews.com/?p=1406 […]

   Reply